Macarıstan loukosteri sərnişin aviadaşımalarını bərpa edir
Budapeşt, 8 may, AZƏRTAC
Macarıstanın “Wizz Air” aviaşirkəti ehtiyatla Budapeştdən 16 marşrut üzrə reysləri bərpa edir.
AZƏRTAC xəbər verir ki, bu barədə “MTI” milli xəbər agentliyi məlumat verib.
Bununla yanaşı, ölkənin digər beynəlxalq hava limanlarından uçuşlar yalnız iyunda bərpa olunacaq.
Tezliklə Macarıstan paytaxtının hava limanından Afinaya, Barselonaya, Berlinə, Birminhemə, Bazelə, Dortmunda, Eindhovenə, Londona, Liverpula, Madridə, Podqoritsaya, Stokholma və Sarayevoya uçmaq mümkün olacaq.
Sərnişinlərin hava limanında növbələrdə durma vaxtını minimuma endirmək üçün onlardan qeydiyyatdan onlayn keçmələri xahiş olunur.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
