Malayziyada kimyəvi maddələrin çaya qarışması nəticəsində ən azı 450 nəfər zəhərlənib
Bakı, 13 mart, AZƏRTAC
Malayziyada kimyəvi tullantıların çaya atılması səbəbindən bir həftədə 450-dən çox insan, o cümlədən onlarla uşaq zəhərlənib.
AZƏRTAC “Star” nəşrinə istinadla xəbər verir ki, xəsarət alanlar başgicəllənmə, qusma və tənəffüslərində yaranan problemlərlə bağlı xəstəxanalara yerləşdirilib.
Bir qədər əvvəl hökumət orqanları baş vermiş insidentlə bağlı 34 məktəbi müvəqqəti bağlamaq barədə qərar qəbul edib.
Qeyd edək ki, ötən həftə yerli kimya zavodu metalların kimyəvi maddələrdə əridilməsindən sonra qalan zəhərli tullantıları Sunqay Kim Kim çayına atıb.
Bölmənin digər xəbərləri
