Malayziyada koronavirusa yoluxanların sayı 6500 nəfəri ötüb
Tokio, 8 may, AZƏRTAC
Malayziyada son sutka ərzində koronavirusa yoluxanların sayı 68 nəfər artaraq 6535 nəfər olub.
AZƏRTAC xəbər verir ki, bu barədə BERNAMA agentliyi İndoneziyanın Səhiyyə Nazirliyinin baş direktoru Hişam Abdullaya istinadla məlumat yayıb.
Bununla yanaşı, virusa yoluxanların 74,43 faizinin (4864 nəfər) sağaldığı, 1564 nəfərin isə hələ də koronavirusun yaratdığı xəstəliklə mübarizə apardığı qeyd edilir. Son sutka ərzində bu ölkədə koronavirusdan ölüm halı qeydə alınmayıb. Ümumilikdə isə 107 nəfərin öldüyü bildirilir.
Xatırladaq ki, Baş Nazir Muhiddin Yassinin qərarına əsasən, Malayziyada mayın 4-dən iqtisadiyyatın bütün sahələri fəaliyyətini bərpa edib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
