Malidə silahlıların hücumu nəticəsində 100-ə yaxın insan həlak olub
Bakı, 10 iyun, AZƏRTAC
Malinin mərkəzi hissəsində naməlum silahlıların hücumu nəticəsində təxminən 95 nəfər həlak olub.
AZƏRTAC xəbər verir ki, France 24 telekanalının yaydığı məlumata görə, insident nəticəsində, həmçinin 19 nəfər itkin düşüb.
Yerli hakimiyyət orqanları bildiriblər ki, silahlı qruplaşma əvvəlcə Sobaleku məntəqəsində evləri yandırıb, sonra isə alovdan qurtularaq xilas olmağa çalışan sakinləri atəşə tutub.
Hadisə iyunun 9-da axşam saatlarında baş verib. Hələlik ölkədə fəaliyyət göstərən heç bir qruplaşma hücumun məsuliyyətini üzərinə götürməyib.
Bölmənin digər xəbərləri
