Martina Sablikova Çexiya üçün rekord nəticə göstərib
Praqa, 11 fevral, AZƏRTAC
Çexiyada konkisürmə idmanının əfsanəsi sayılan Martina Sablikova Pekində keçirilən Qış Olimpiya Oyunlarında 5 kilometr məsafəyə yürüşdə ikinci Olimpiya medalı qazanaraq müəyyən mənada rekord nəticə göstərib.
AZƏRTAC xəbər verir ki, Sablikova bu məsafəni 6 dəqiqə 50 saniyəyə qət edib. Üçqat Olimpiya çempionu, klassik çoxnövçülükdə beşqat dünya çempionu (2009, 2010, 2015, 2016, 2019), ayrı-ayrı məsafələrdə 16 qat dünya çempionu, klassik çoxnövçülükdə beşqat Avropa çempionu, 3000/5000 metr məsafələrdə 11 dəfə dünya kubokunun sahibi, iki məsafəyə qaçış üzrə dünya rekordçusu Martina Sablikova konkisürmə idmanı tarixində ən çox titul qazanmış qadınlardan biridir.
İndi o, ardıcıl olaraq dörd Olimpiadada medallar qazanmış yeganə Çexiya nümayəndəsidir. Bu, Çexiya idmanı üçün özünəməxsus rekorddur.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
