Mayda bankların kredit portfelinin qalığında artım olub
Bakı, 22 iyun, AZƏRTAC
Bankların kredit portfelinin qalığı may ayında 1.4 faiz (257.9 milyon manat) artaraq 18,098.3 milyon manat olub.
AZƏRTAC Azərbaycan Mərkəzi Bankına istinadla xəbər verir ki, bankların cəmi kredit portfelində biznes kreditlərinin payı 57.5 faiz (10,414 milyon manat) təşkil edib. Ümumilikdə, cari ilin 5 ayında kredit portfelinin artımının 47 faizi biznes, 39 faizi istehlak, 14 faizi isə ipoteka kreditləri hesabına olub. Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı 3.6 faiz təşkil edib. Qeyd olunan göstərici ilin əvvəlinə nəzərən 0.6 faiz bəndi, ötən ilin müvafiq dövrünə nəzərən isə 2.4 faiz bəndi azalıb.
Bölmənin digər xəbərləri
