MAYK TAYSON NARKOLOJİ KLİNİKADAN QAÇMIŞDIR
AZƏRTAC İTAR-TASS-a istinadla xəbər verir ki, Mayk Tayson verdiyi vədi pozaraq, narkoloji klinikadan qaçmışdır. Məşhur boksçu kokaindən asılılığa son qoymağa cəhd göstərirdi. Tayson aprelin əvvəllərində Çinə səfəri zamanı dahi mütəfəkkir saydığı Mao Tszedunun mavzoleyini ziyarət etdikdən sonra bu qərara gəlmişdi.
39 yaşlı “dəmir Mayk” dəbdəbəli klinikada cəmi 5 gün qala bilmişdir. Hazırda boksçu Las-Veqasın mehmanxanalarından birində qalır. Bütün bunların nə ilə qurtaracağı məlum deyildir. Axı, Tayson bu ilin yayında Melburnda keçmiş rəqibləri ilə bir daha rinqə çıxmaq niyyətindədir.
Bölmənin digər xəbərləri
