MƏDƏNİYYƏT VƏ İNCƏSƏNƏT UNİVERSİTETİNDƏ YUBİLEY TƏDBİRİ
Azərbaycan Dövlət Mədəniyyət və İncəsənət Universitetində görkəmli şair və dramaturq Hüseyn Cavidin 120 illiyinə həsr olunmuş mərasim keçirilmişdir.
Universitetin prorektoru Solmina Dadaşova tədbiri açaraq, “Hüseyn Cavidin 120 illik yubileyi haqqında” Azərbaycan Prezidenti Heydər Əliyevin Sərəncamının böyük əhəmiyyətini vurğuladı, ədibin həyat və yaradıcılığından danışdı.
Universitetin ədəbiyyat və Azərbaycan dili kafedrasının müdiri professor Nizaməddin Şəmsizadə “Hüseyn Cavid haqqında söz” mövzusunda məruzə etdi.
Məruzəçi və tədbirdə çıxış edənlər böyük sənətkarın XX əsr Azərbaycan ədəbiyyatına verdiyi əvəzsiz töhfələrdən, özünəməxsus poetik fəlsəfəsindən söhbət açdılar.
Mərasimdə şairin şerlərindən nümunələr və sözlərinə yazılmış mahnılar səsləndi.
Bölmənin digər xəbərləri
