MƏRAKEŞDƏ DİNİ MUSİQİ FESTİVALI KEÇİRİLMİŞDİR
Açılış mərasimində Uilyam Kristininin “Çiçəklənən incəsənət” adlı məşhur musiqi orkestrinin ifasında Motsart və Ramonun əsərləri səslənmişdir.
Festivalın prezidenti Məhəmməd Kəbbac açılış mərasimində demişdir: “Əgər insanlar dünyanı yaxşılığa doğru dəyişmək üçün birləşirlərsə, bu cür qloballaşmada pis heç nə yoxdur”.
Mərakeşdə hər il islam irsinin zənginliyini, gənclər tərəfindən sevilməsini nümayiş etdirən bir neçə musiqi festivalı keçirilir. Fəs şəhəri təsadüfən seçilməmişdir. 789-cu ildə salınmış şəhərdə müxtəlif mədəniyyətlərin nümayəndələri yaşamışlar. Sorbonna Universitetindən 200 il əvvəl yaradılmış Qərauin müsəlman Universiteti də burada yerləşir.
Festival iyunun 10-da Malidən olan məşhur musiqiçi Salifə Keytanın konserti ilə başa çatmışdır. Salifəni nadir vokal istedadına görə “Afrika Karuzosu” adlandırırlar.
Bölmənin digər xəbərləri
