MƏŞHUR MUSİQİÇİYƏ HƏSR EDİLMİŞ FİLM
“Salnamə” kinostudiyasında məşhur musiqiçi, həmvətənimiz Mstislav Rostropoviçə həsr edilmiş “Bundan da doğma torpaq yoxdur” sənədli filminin çəkilişinə başlanmışdır.
Rejissor Ziya Şıxlinski AZƏRTAC-ın müxbirinə bildirmişdir ki, filmdə görkəmli maestronun konsertlərinin kadrlarından istifadə ediləcəkdir. Film iki hissədən ibarətdir. Birinci hissədə Mstislav Rostropoviçin uşaqlıq illərindən, qastrollarından, habelə Azərbaycana səfərlərindən bəhs olunacaqdır. İkinci hissə isə onun ömür-gün yoldaşı, məşhur müğənni Qalina Vişnevskayaya həsr ediləcəkdir. Filmdə musiqiçinin Bakıya səfərləri zamanı çəkilmiş kinomateriallara da geniş yer veriləcəkdir.
Filmin çəkilişi 2003-cü ildə başa çatdırılacaqdır.
Bölmənin digər xəbərləri
