MƏTBUAT İŞÇİLƏRİ İLƏ GÖRÜŞ
Milli mətbuatımızın 128-ci ildönümü ilə əlaqədar Gəncə Şəhər İcra Hakimiyyətində görüş keçirilmişdir. İcra hakimiyyətinin başçısı Eldar Əzizov peşə bayramı münasibətilə şəhərdə və respublika mətbuat orqanları, özəl televiziya kanalları nümayəndələrini təbrik etmiş, Azərbaycan müstəqillik əldə etdikdən sonra respublikamızda gedən demokratik cəmiyyət quruculuğu prosesində, ölkəmizin dövlətçilik ənənələrinin möhkəmləndirilməsində, demokratik prinsiplərin bərqərar olmasında mətbuatın üzərinə düşən vəzifələrdən danışmışdır. Sonra o, şəhərdə görülən quruculuq və abadlıq işləri, Gəncənin sosial-iqtisadi inkişaf planı barədə ətraflı məlumat vermişdir. Axırda jurnalistlər onları maraqlandıran məsələlər ətrafında fikir mübadiləsi aparmışlar.
