Millimizin hücumçusu Mahir Emreli Xorvatiyanın “Dinamo” komandasında debüt edə bilər
Bakı, 16 fevral, AZƏRTAC
Azərbaycan millisinin hücumçusu Mahir Emreli fevralın 17-də yeni komandası Zaqreb “Dinamo”sunda debüt edə bilər.
AZƏRTAC xəbər verir ki, 24 yaşlı hücumçunun adının “Sevilya” ilə Avropa Liqasının 1/16 final mərhələsinin səfər matçının iştirak ərizəsinə salınacağı gözlənilir. Lakin futbolçumuz komandaya yeni qoşulduğundan onun sabah əsas heyətdə meydana çıxmaq ehtimalı azdır. Güman etmək olar ki, baş məşqçi Jelko Kopiç Emrelini meydana sonradan daxil edəcək.
Qeyd edək ki, “Sevilya” ilə “Dinamo” arasında ilk görüş fevralın 17-də İspaniyada, cavab oyunu fevralın 24-ü Xorvatiyada olacaq.
Bölmənin digər xəbərləri
