Misirdə 2017-ci ildə elan edilmiş fövqəladə vəziyyət daha üç ay uzadılıb
Qahirə, 28 aprel, AZƏRTAC
Misir Prezidenti Əbdülfəttah əs-Sisi ölkədə 2017-ci ildə elan edilmiş fövqəladə vəziyyət rejiminin daha üç ay uzadılması barədə sərəncam imzalayıb.
AZƏRTAC xəbər verir ki, sənəd bazar ertəsi günü rəsmi qəzetdə dərc olunub.
Sərəncama əsasən, Misir Silahlı Qüvvələrinə və Daxili İşlər Nazirliyinə terrorçularla mübarizə və ölkədə ictimai-siyasi sabitliyin təmin edilməsi sahəsində xüsusi səlahiyyətlər verilir.
Misirdə fövqəladə vəziyyət 2017-ci ilin aprelində - terrorçuların iki kilsəyə hücumu nəticəsində onlarla insanın ölməsindən sonra tətbiq edilib. Misir Konstitusiyasına əsasən, bu rejim hər üç aydan bir uzadılır. Ötən həftə ölkə parlamenti koronavirus pandemiyası ilə mübarizə sahəsində də Prezidentə əlavə səlahiyyətlər verib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
