MİSİRİN TABƏ ŞƏHƏRİNDƏ TERROR AKTI QURBANLARININ SAYI 33 NƏFƏRƏ ÇATMIŞDIR
AZƏRTAC xəbər verir ki, Qahirədən alınan məlumata görə, oktyabrın 8-də Tabə şəhərindəki “Hilton” mehmanxanasında törədilən dəhşətli terror aktı nəticəsində ölənlərin sayı 33 nəfərə çatmışdır. Həlak olanların arasında 19 israilli var. 40-dək adamın, o cümlədən 12 rusiyalının harada olduğu hələ də məlum deyildir.
Sinay yarımadasında partlayışları törətməkdə şübhəli bilinən 12 nəfər tutulmuşdur. Partlayışlar üçün istifadə edilən maşınlar terror aktlarının baş verdiyi yerin yaxınlığında partlayıcı maddələrlə doldurulmuşdur. İstintaq yanmış maşınlarda qalmış barmaq izlərini yoxlayır, intiharçı terrorçuların cəsədlərinin qalıqları DNT analizinə göndərilmişdir.
Bölmənin digər xəbərləri
