MONAKODA “GOLDEN FOOT” MÜKAFATININ NÖVBƏTİ TƏQDİMATI OLMUŞDUR

02.09.2008 [20:06]
Çap et
A⁺ A^-

AZƏRTAC xarici KİV-lərə istinadla xəbər verir ki, Monte-Karloda “Golden Foot” nüfuzlu futbol mükafatının altıncı təqdimat mərasimi keçirilmişdir.

Mükafat İnternetdə keçirilən səsvermənin nəticələrinə görə iki nominasiya üzrə - artıq yaşıl meydançada karyerasını bitirmiş və hazırda oynayan məşhur futbolçulara təqdim edilir.

Birinci nominasiya üzrə 1986-ci ildə Avropanın ən güclü futbolçusu adını qazanaraq “Qızıl top” mükafatını almış Kiyevin “Dinamo” və keçmiş SSRİ yığma komandasının hücumçusu olmuş İqor Belanov qalib çıxmışdır.

İkinci nominasiyanın qalibi isə hazırda Türkiyənin “Fənərbaxça” komandasının şərəfini qoruyan braziliyalı Roberto Karlos olmuşdur.

Azarkeşləri öz füsunkar oyunu ilə hələ də heyrətləndirən R.Karlosa nüfuzlu mükafatı Monako şahzadəsi II Albert təqdim etmişdir.