Monteneqronun turizm gəliri ötən il bir milyard avroya yaxınlaşıb
Podqoritsa, 23 fevral, AZƏRTAC
Monteneqro 2022-ci ildə turizm sektorundan 997 milyon avro gəlir əldə edib.
AZƏRTAC xəbər verir ki, bunu Monteneqronun Baş naziri Dritan Abazoviç deyib.
“2022-ci ildə turizm gəlirləri 997 milyon avroya çatıb ki, bu da 2021-ci ilə nisbətən 275 milyon avro çox, 2019-cu ildən isə yalnız 50 milyon avro azdır. Keçən ilin dördüncü rübündə turizm gəlirləri 123 milyon avro olub və bu, indiyədək son rübdə qeydə alınan ən yüksək göstəricidir. Bu, Monteneqro hökumətinin turizm mövsümünü uzatmaq, “Monteneqro365” kampaniyası ilə hər gün və ilboyu turizm hədəfinə nail olmaq üzərində işlədiyinin əyani göstəricisidir”, - deyə D.Abazoviç bildirib.
Nihad Budaqov
AZƏRTAC-ın xüsusi müxbiri
Podqoritsa
Bölmənin digər xəbərləri
