MÜASİR AZƏRBAYCAN NƏSRİ İNĞGİLİS DİLİNDƏ
Azərbaycan Dillər Universitetinin prorektoru, professor Zeydulla Ağayevi oxucular daha çox tərcüməçi kimi tanıyırlar. Onun Amerika yazıçıları T.Drayzer, C.London, E.Heminqueydən və digər ingilis dillı ölkələrin ədəbiyyatından etdiyi tərcümələr rəğbətlə qarşılanmışdır. Bu yaxınlarda isə Ayra Levinin “Ölümqabağı öpüş” romanı onun tərcüməsində çapdan çıxmışdır.
Zeydulla Ağayev həm də Azərbaycan nəsrinin bir çox nümunələrini ingilis dilinə çevirmişdir. Ötən ay Azərnəşrin çapdan buraxdığı “Müasir Azərbaycan nəsri” kitabında son illərdə ingilis dilinə çevirdiyi povest və hekayələr toplanmışdır. Kitabda Sabir Əhmədli, Anar, Elçin, Kamal Abdulla, Afaq Məsud, Maqsud İbrahimbəyli və başqalarının əsərləri daxildir. Burada hər bir müəllif haqqında qısa məlumat da verilmişdir. Ön sözdə isə onların yaradıcılığından bəhs olunur. Tərcüməçinin öz hekayələrinin də daxil edildiyi bu cür nəşrlərin əhəmiyyəti böyükdür. Kitabın Amerika universitetlərinə, əlaqədar kitabxanalara, xarıcı ölkələrin Azərbaycandakı səfirliklərinə və əcnəbi iş adamlarına göndərilməsi nəzərdə tutulur. Ondan ingilis dilini öyrənənlər və tələbələr əlavə oxu materialı kimi də istifadə edə bilərlər.
Kitabın redaktoru Vaşinqtonda yaşayan gənc şair və jurnalist, xanım Şennon Emersondur.
Bölmənin digər xəbərləri
