® “Ziraat Bank Azərbaycan” 15 milyon manat həcmində istiqraz emissiyasını təqdim edir!
“Ziraat Bank Azərbaycan” 10.08.2026 tarixindən investorlar üçün ümumi həcmi 15 milyon manat olan yeni istiqraz emissiyasını təqdim edir.
Yeni emissiya investorlara sabit gəlir əldə etmək imkanı yaratmaqla yanaşı, real sektorun və sahibkarlığın maliyyələşdirilməsinə, eləcə də Azərbaycanın kapital bazarının inkişafına töhfə verməyi hədəfləyir.
1 il müddətinə buraxılan istiqrazlar üzrə illik gəlirlilik 10,5 faiz təşkil edir. Kupon (faiz) ödənişləri hər rüb həyata keçiriləcək. Bir istiqrazın nominal dəyəri və minimum investisiya məbləği 100 manat təşkil edir. Bu isə müxtəlif məbləğlərdə investisiya etmək istəyən investorlar üçün istiqrazları əlçatan investisiya alətlərindən birinə çevirir.
Yeni istiqraz emissiyası çərçivəsində cəlb olunan vəsaitlərin bizneslərin maliyyələşdirilməsinə yönəldilməsi, sahibkarlıq fəaliyyətinin dəstəklənməsi və iqtisadi aktivliyin təşviqinə töhfə verməsi nəzərdə tutulur.
“Ziraat Bank Azərbaycan” kapital bazarındakı fəaliyyətini genişləndirərək müştərilərinə və investorlara alternativ maliyyə alətləri təqdim etməyə, eyni zamanda, investorlarla uzunmüddətli, etibarlı və şəffaf əməkdaşlıq münasibətləri qurmağa davam edir.
İstiqrazları necə əldə etmək olar?
“Ziraat Bank Azərbaycan”ın yeni istiqrazları “PAŞA Kapital” İnvestisiya Şirkəti və “Birbank İnvest” mobil tətbiqi vasitəsilə əldə edilə bilər.
“PAŞA Kapital” vasitəsilə:
İnvestorlar” PAŞA Kapital” ilə əlaqə saxlayaraq qeydiyyat linkini əldə edə bilərlər. Daha sonra SİMA İmza vasitəsilə qeydiyyatdan keçərək hərracda iştirak edə və istiqrazların alışını həyata keçirə bilərlər.
“Birbank İnvest” vasitəsilə:
İnvestorlar “Birbank İnvest” tətbiqində qeydiyyatdan keçərək istiqrazları birbaşa tətbiq üzərindən əldə edə bilərlər.
Abunə yazılışı müddəti: 10.08.2026-21.08.2026
“Ziraat Bank Azərbaycan” ASC 162 illik tarixə malik Türkiyə Respublikasının “Ziraat Maliyyə Qrupu”nun üzvüdür. Bank, Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Korporativ və pərakəndə bankçılıq sahəsində müasir məhsul və xidmətləri Bakı, Gəncə, Sumqayıt və Naxçıvan şəhərlərində yerləşən 11 filialı və Quba şəhərində yerləşən 1 şöbəsi ilə yanaşı, rəqəmsal platformalar üzərindən də müştərilərə xidmət göstərir.
Bankın məhsul və xidmətləri barədə daha ətraflı məlumatı bankın “Instagram”, “X-platforması”, “Linkedin”, “YouTube” sosial media hesablarından və ya *9229 qısa nömrəsinə zəng edərək əldə edə bilərsiniz.
Bölmənin digər xəbərləri
