MÜASİR POLŞA PLAKATLARDA
Noyabrın 23-də Azərbaycan Dövlət Rəssamlıq Akademiyasında Polşanın müstəqillik günü münasibətilə “Müasir Polşa plakatlarda” sərgisi açılmışdır.
Rəssamlıq Akademiyasının və Polşanın ölkəmizdəki səfirliyinin birgə təşkil etdikləri ekspozisiyada müxtəlif mövzularda 40-dan çox plakat sərgilənmişdir.
Akademiyanın rektoru, xalq rəssamı, akademik Ömər Eldarov, respublika mədəniyyət nazirinin müavini Sevda Məmmədəliyeva, səfirliyin birinci katibi Bayçex Qoretski və başqa natiqlər çıxış edərək, Polşa rəssamlarının son illər plakat yaradıcılığında qazandıqları uğurlardan, ölkələrimiz arasında mədəni əlaqələrin inkişaf etdirilməsində belə tədbirlərin əhəmiyyətindən danışdılar.
Sonra Bülbül adına Bakı Orta İxtisas Musiqi Məktəbi şagirdlərinin ifasında polyak və Azərbaycan mahnıları səsləndi.
Bölmənin digər xəbərləri
