“MÜHARİBƏ” KİTABINDA XX ƏSRİN SONLARINDA ERMƏNİ QULDURLARININ VƏHŞİLİKLƏRİNDƏN BƏHS EDİLİR
AZƏRTAC xəbər verir ki, “Hərbi Nəşriyyat”da gənc nasir Vasif Vaqifoğlunun Qarabağ mövzusunu əks etdirən “Müharibə” kitabı nəşr olunmuşdur.
Kitab Vətən çağırışına könüllü gedən əsgərlərin: Ruslan Ədilzadə, Əliş İmanov, Müşfiq Əliyev, Bayram Bayramov və başqa vətənpərvər gənclərin müharibə cəbhələrində başlarına gələn müsibətlərdən, əsirlik məşəqqətlərindən, erməni vandallarının azərbaycanlılara qarşı kin və qəzəbindən bəhs edir.
Döyüş səhnələrinin, XX əsrin sonlarında Azərbaycan xalqının başına gətirilmiş fəlakətlərin, əsgərlərimizin qəhrəmanlıqlarının, erməni quldurlarının törətdikləri ağlagəlməz vəhşiliklərin əks olunduğu bu kitabda faktlar və müharibə gedən bölgələrin adları xronoloji ardıcıllıqla verilmişdir. Acı həqiqətləri əks etdirən əsər oxucular tərəfindən rəğbətlə qarşılanmışdır.
Bölmənin digər xəbərləri
