“MUSİQİ DÜNYASI” JURNALININ FİKRƏT ƏMİROVUN YUBİLEYİNƏ HƏSR OLUNMUŞ NÖMRƏSİ
“Musiqi dünyası” jurnalının çapdan çıxmış növbəti nömrəsi bu il 80 illik yubileyi qeyd olunan görkəmli bəstəkarımız Fikrət Əmirova həsr edilmişdir.
Oxucular jurnalın səhifələrində Azərbaycanın, Qazaxıstanın, Rusiyanın, Türkiyənin, Özbəkistanın, Qırğızıstanın və digər ölkələrin tanınmış musiqişünasları və mədəniyyətşünaslarının misilsiz klassik musiqi əsərləri yaratmış bəstəkara həsr olunmuş məqalə və resenziyaları ilə tanış ola biləcəklər.
Jurnalda Azərbaycanın digər görkəmli sənətçilərinə - Bülbülə, Niyaziyə, Rauf Haçıyevə, Emin Sabitoğluna həsr edilmiş oçerklər də dərc olunmuşdur. Oxucular bu nömrədə iki klassik, həmməslək, müəllim və tələbə - Dmitri Şostakoviç və Qaqa Qarayevin məktublaşmaları ilə də tanış ola biləcəklər.
Azərbaycan, rus və türk dillərində nəşr edilmiş jurnala Fikrət Əmirovun “Kürd ovşarı”, “Azərbaycan kapriççiosu”, habelə maestro Niyazinin “Rast” və “Konsert valsı” əsərləri yazılmış lazer diski də əlavə olunmuşdur.
Bölmənin digər xəbərləri
