“Nar” Novruz kampaniyasına başlayıb
Bakı, 1 mart, AZƏRTAC
“Nar” Novruz kampaniyasına start verib. Kampaniya çərçivəsində abunəçilər ödəniş üsulundan asılı olmayaraq balanslarını nə qədər çox artırsalar, “Nar”dan bir o qədər bonus qazanacaqlar.
Şirkətdən AZƏRTAC-a bildirilib ki, martın 1-dən 15-dək balansını birdəfəlik 5, 10 və ya 20 AZN məbləğində artıran hər bir abunəçi müvafiq olaraq 100, 200 və ya 300 MB internet trafiki, eləcə də 300, 600 və ya 1000 şəbəkədaxili SMS bonus qazanacaq. Bonuslar martın 1-dən 15-dək toplanacaq və Novruz günlərində xoş ünsiyyət, bayram ovqatı bəxş etmək məqsədilə abunəçilərə 20-27 mart tarixlərində təqdim olunacaq. Tarifindən asılı olmayaraq kampaniyadan öncədən ödənişli bütün “Nar” nömrələrinin istifadəçiləri yararlana bilərlər.
Kampaniya haqqında daha ətraflı məlumatı mobil operatorun internet səhifəsindən ( www.nar.az) əldə etmək olar.
Bölmənin digər xəbərləri
