NEFTÇİLƏRİN SOSİAL QAYĞILARI DA DİQQƏT MƏRKƏZİNDƏDİR
İdarədən AZƏRTAC-a bildirmişlər ki, indi neftçilərin orta aylıq əməkhaqqı 500 min manatdır. Ehtiyacı olanlara daxili imkanlar hesabına maddi yardımlar da göstərilir. Yardımların məbləği ayda 70-80 milyon manata çatır. Bayramlarda pulsuz ərzaq paylanması, məzuniyyətə çıxan işçiyə müalicə üçün müavinət verilməsi, yubilyarların 1-2 aylıq əməkhaqqı həcmində mükafatlandırılması ənənə halını almışdır.
İdarənin gəlirlə işləməsi neftçilərin mənzil şəraitinin yaxşılaşdırılmasına da şərait yaradır. Son illər Bakıxanov qəsəbəsində neftçilər üçün tikilmiş yeddimərtəbəli iki yaşayış binasında “Balaxanıneft”in də 10 əməkçisi mənzillə təmin edilib. Hazırda “balaxanılıların” sifarişi ilə qəsəbədə 54 mənzilli beşmərtəbəli yaşayış binası tikilir. Maştağada isə 90 işçiyə ev tikmək üçün torpaq sahəsi ayrılmışdır.
Bölmənin digər xəbərləri
