NƏRİMAN NƏRİMANOVUN DOĞUM GÜNÜ QEYD OLUNMUŞDUR
Muzeyin direktoru Kamilə Hüseynova alovlu vətənpərvər, görkəmli dövlət xadimi, yazıçı-dramaturq və publisist Nəriman Nərimanovun həyat və fəaliyyətinin bəzi məqamlarından danışmışdır. Xalqımızın maarifləndirilməsində, ədəbiyyatımızın və mədəniyyətimizin inkişafında N.Nərimanovun əvəzsiz xidmətlərini xatırladan natiq onun istər dram, istərsə də nəsr əsərlərinin, publisistikasının məhz bu məqsədə xidmət etdiyini diqqətə çatdırmışdır.
N.Nərimanovun qohumlarının, tədqiqatçılarının, nərimansevərlərin, adını daşıdığı Maştağadakı 128, Xudatdakı 2 nömrəli məktəblərin müəllim və şagird kollektivlərinin, ziyalıların iştirakı ilə keçirilən xatirə günündə daha çox onun dövlət xadimi kimi gördüyü işlərdən, xalqımızın mənafeyi uğrunda mübarizəsindən ətraflı bəhs edilmişdir.
Axırda məktəblilərin ifasında ədəbi-bədii kompozisiya və dramaturqun “Nadanlıq” pyesindən səhnəciklər göstərilmişdir.
Bölmənin digər xəbərləri
