NƏTİCƏLƏR QƏNAƏTBƏXŞDİR
Təşkilatın başçısı, psixologiya elmləri namizədi Svetlana Məcidova AZƏRTAC-ın müxbirinə bildirmişdir ki, görüşlərdə psixokorreksiya məşğələləri keçirilmiş, mühazirələr oxunmuşdur. Onun sözlərinə görə, həyat tərzinin dəyişdirilməsi ahıllar üçün güclü sarsıntı amilidir. Bu amilin təzyiqi altına düşənlər psixoloji narahatlıq keçirir və çox vaxt ondan qurtula bilmirlər.
Görülmüş tədbirlər bu qəbildən olan adamların cəmiyyətimizdəki hadisələrə münasibətini dəyişdirmiş, həyatın müsbət tərəflərinin axtarışında, psixoloji və mənəvi ehtiyatların aşkara çıxarılmasında onlara köməkçi olmuşdur. Psixoloqun fikrincə, nəticələr qənaətbəxşdir və həmin işlərin davam etdirilməsinin vacibliyini göstərir.
