“NİZAMİ NURLU SƏYAHƏT-2 (ÖZBƏKİSTAN SƏFƏRİ)” KİTABININ TƏQDİMAT MƏRASİMİ KEÇİRİLMİŞDİR
Klubun direktoru Elxan Rzayev bildirmişdir ki, Əlişir Azəri, ilk dəfə dahi şairimiz Nizami Gəncəvinin anadan olmasının 850 illiyi münasibətilə 1989-cu ildə səyahətə çıxmış və 2 ildən çox bir müddətdə Türkmənistan, Tacikistan, Özbəkistan, Qazaxıstan, Tatarıstan, Başqırdıstan, Ukrayna, Moldova, Gürcüstanda olmuş, bu respublikalarda Azərbaycan həqiqətlərini yaymışdır.
“Nizami nurlu səyahət” ümumi başlıqlı çoxcildliyin ilk kitabı (“Türkmənistan səfəri”) 2003-cü ildə çap olunmuşdur. Müəllif yeni nəşrdə 6 ay ərzində Özbəkistanda keçirdiyi çoxlu görüşlər, qarşılaşdığı maraqlı hadisələrdən söhbət açır. Kitabda Özbəkistanın 20-dən çox görkəmli şəxsiyyəti barədə ensiklopedik məlumat verilmişdir. III kitab Tacikistan səfərinə həsr olunacaqdır.
Sonda Ə.Azəri jurnalistlərin suallarına cavab vermiş, tədbirin təşkilatçılarına və iştirakçılarına təşəkkürünü bildirmişdir.
Bölmənin digər xəbərləri
