NİZAMİ PARKINDAKI BİNALAR BƏRPA OLUNACAQ
Parkın direktoru Alfred Quliyev AZƏRTAC-ın müxbirinə demişdir ki, Lüdviq Nobelin təşəbbüsü ilə 1882-ci ildə tikilmiş “Villa petrolea” və onun ətrafındakı tikililər əvvəlki görkəminə qaytarılacaqdır. Binanı bərpa etmək üçün eskizlər və layihə-smeta sənədləri tam hazırdır. Bu məqsədlə “Azpetrol” şirkətlər qrupu 3 milyon ABŞ dolları məbləğində vəsait ayırmışdır. Oktyabrın axırlarında başlanacaq bərpa işlərini 2005-ci ilin may ayında tamamlamaq nəzərdə tutulmuşdur.
Bakı Şəhər İcra Hakimiyyətinin başçısı Hacıbala Abutalıbovun qərarına əsasən, ərazidə bərpa işləri aparmaq məqsədi ilə park Bakı Nobel İrsi Fonduna uzunmüddətli icarəyə verilmişdir. İsveçdə yerləşən Nobel Ailəsi Cəmiyyətinin, “Azpetrol” şirkətlər qrupunun, Moskva Neft və Qaz klubunun maliyyə vəsaiti hesabına Bakı Nobel İrsi Fondu bu və digər binaların bərpasını həyata keçirəcəkdir.
Bölmənin digər xəbərləri
