Moskva, 9 sentyabr, AZƏRTAC

Rusiyanın Novosibirsk vilayətindən Azərbaycana 5 tona yaxın ördək əti ixrac edilib.

AZƏRTAC xəbər verir ki, bu barədə Rusiya Baytarlıq və Fitosanitar Nəzarət üzrə Federal Xidməti (“Rosselxoznadzor”) məlumat yayıb.

Bildirilir ki, Novosibirskdən Azərbaycana göndərilən məhsul Rusiya Federal Heyvanların Sağlamlığının Mühafizəsi Agentliyinin laboratoriyalarında nəzarətdən keçib və Azərbaycanın baytarlıq tələblərinə tam uyğundur.

Məhsul sentyabr ayında avtomobil nəqliyyatı vasitəsilə Azərbaycana yola salınıb.

Fəridə Abdullayeva

AZƏRTAC-ın xüsusi müxbiri

Moskva