Oğuz sakininin xəsarət alması faktı ilə bağlı rayon prokurorluğunda cinayət işi başlanılıb
Bakı, 17 fevral, AZƏRTAC
Fevralın 14-ü saat 18 radələrində Oğuz rayonunda 1966-cı il təvəllüdlü Sevinc Rəhimovanın xəsarət alması barədə rayon prokurorluğuna məlumat daxil olub.
Rayon prokurorluğundan AZƏRTAC-a verilən məlumata görə, aparılmış araşdırma zamanı 1962-ci il təvəllüdlü Nazim Rəhimovun balta ilə arvadı Sevinc Rəhimovanın baş nahiyəsinə xəsarət yetirərək onu öldürməyə cəhd etməsi, sonra isə özünə xəsarət yetirməsinə əsaslı şübhələr müəyyən edilib.
Oğuz Rayon Prokurorluğunda Cinayət Məcəlləsinin 29,120.1-ci (qəsdən adam öldürməyə cəhd) və 125-ci (özünü öldürmə həddinə çatdırma) maddələri ilə cinayət işi başlanıb.
İbtidai istintaq davam etdirilir.
Bölmənin digər xəbərləri
