Oktyabrın 18-də keçirilən hərracda 16 nəqliyyat vasitəsi satılıb
Bakı, 18 oktyabr, AZƏRTAC
Əmlak Məsələləri Dövlət Xidməti tərəfindən oktyabrın 18-də növbəti hərrac keçirilib. Hərracda 16 nəqliyyat vasitəsi özəlləşdirilib.
Xidmətdən AZƏRTAC-a bildirilib ki, satılan avtomobillər əsasən Amerika istehsalıdır və buraxılış tarixi 1999-2013-cü illər arasında dəyişir.
Hərracda özəlləşdirilən nəqliyyat vasitələrinin siyahısı ilə buradan tanış olmaq mümkündür: (https://clck.ru/32Q6KG ).
Məlumat üçün bildiririk ki, bu ay üzrə növbəti hərrac oktyabrın 25-də keçiriləcək.
Hər kəs Xidmətin rəsmi saytından (emlak.gov.az) və ya Özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalından (e-emlak.gov.az) müvafiq hərrac xidmətini seçərək qeydiyyatdan keçib, dövlət əmlakının ilkin hərrac qiymətinin 10 faizi məbləğində behi ödəyib hərracda iştirakçı statusu almaq mümkündür.
Bölmənin digər xəbərləri
