İQTİSADİYYAT
ÖLKƏNİN ENERGETİKA SAHƏSİNDƏ QIŞA HAZIRLIQ İŞLƏRİ DAVAM EDİR
Ağstafa yüksək gərginlikli elektrik şəbəkəsi qış mövsümünə hazırlıq çərçivəsində bütün avadanlığı saz vəziyyətə gətirmişdir.
“Azərenerji” ASC-dən AZƏRTAC-a bildirmişlər ki, əhalinin elektrik enerjisinə olan tələbatını daha etibarlı ödəmək məqsədi ilə Ağstafa YGEŞ-də beş kompressor əsaslı təmir olunmuşdur. Bundan əlavə, 110 kilovoltluq elektrik verilişi xəttinin (EVX) hava açarlarının da cari təmiri həyata keçirilmişdir.
Qeyd etmək lazımdır ki, Qazax, Ağstafa, Tovuz, Gədəbəy və Şəmkir rayonlarını elektrik enerjisi ilə təchiz edən Ağstafa YGEŞ-i hazırda 120-125 MVt-ə yaxın enerji istehlak edir. Qış aylarında bu rəqəmin 150-160 MVt təşkil edəcəyi və şəbəkənin göstərilmiş həcmdə elektrik enerjisi istehlak etmək gücündə olduğu bildirilmişdir.