MƏDƏNİYYƏT
ÖLMƏZ BƏSTƏKARIN XATİRƏSİ ANILDI
Noyarbrın 22-si Azərbaycan professional musiqisinin korifeylərindən biri, görkəmli bəstəkar, ictimai xadim, Sosialist Əməyi Qəhrəmanı, SSRİ xalq artisti, Dövlət mükafatları laureatı Fikrət Əmirovun vəfatı günüdür.
Bu münasibətlə respublikanın mədəniyyət və musiqi xadimləri, ictimaiyyətin nümayəndələri, Fikrət Əmirovun qohumları, həmkarları Fəxri xiyabana gələrək, unudulmaz bəstəkarın məzarını ziyarət etmişlər.
Anma mərasimini mədəniyyət naziri Polad Bülbüloğlu açdı, Fİkrət Əmirovun musiqi mədəniyyətimizin inkişafındakı əvəzsiz xidmətlərindən danışdı, görkəmli bəstəkarın anadan olmasının 80 illiyinin qeyd edilməsi barədə Azərbaycan Prezidenti Heydər Əliyevin Sərəncamının icrası ilə bağlı görülən tədbirlərdən bəhs etdi.
Baş nazirin müavini, xalq yazıçısı Elçin və Bəstəkarlar İttifaqının birinci katibi, xalq artisti, professor Vasif Adıgözəlov Fikrət Əmirovun Azərbaycan musiqi mədəniyyətinin inkişafına verdiyi töhfələrdən söhbət açaraq vurğuladılar ki, onun milli folklorla dərin köklərlə bağlı olan musiqisinin öz xüsusi təravəti, gözəlliyi vardır və şirin ləhcəsi, lirik səmimiliyi, melodik rəngarənliyi, obraz-emosiya məzmununun həyatiliyi, orkestr boyalarının zənginliyi ilə dinləyiciləri məftun edir.
Anma mərasiminin sonunda ölməz bəstəkarın məzarı üzərinə gül-cicək dəstələri, əklillər qoyuldu, mərhumun ruhuna dua oxundu.
Baş nazirin birinci müavini Abbas Abbasov və başqa rəsmi şəxslər mərasimdə iştirak edirdilər.
MÜƏLLİFLƏ ƏLAQƏ
Bölmənin digər xəbərləri
- 28.06.2024 [17:51]
Xanım Əziz: Hamı kimi olmaq məcburiyyətində deyilsən, özəlliyini tapmalısan!
- 28.06.2024 [16:42]
Azərbaycan Ümumdünya Parfümeriya Konqresində təmsil olunub VİDEO
- 28.06.2024 [12:12]
"İpək Yolları Gənclərin Gözü ilə" adlı fotomüsabiqəyə qeydiyyat davam edir
- 28.06.2024 [12:09]
“Xeyir xəbər” tamaşasının premyerası keçirilib
- 28.06.2024 [11:55]