On bir ayda 22 minə yaxın işəgötürən tərəfindən 600 min vakansiya təqdim olunub
Bakı, 23 dekabr, AZƏRTAC
Bu ilin 11 ayında Azərbaycanda 22 minə yaxın işəgötürən tərəfindən 600 min vakansiya Dövlət Məşğulluq Agentliyinin vakansiya bankına yerləşdirilib.
AZƏRTAC xəbər verir ki, bunu “Əmək münasibətləri, əməyin mühafizəsi və insan resursları ekoloji, sosial və korporativ idarəetmə yanaşmasının əsas istiqamətlərindən biri kimi” mövzusunda keçirilən konfransda çıxışı zamanı Dövlət Məşğulluq Agentliyinin İdarə Heyətinin sədr müavini Hasil Abbasov deyib.
O bildirib ki, bu, təkcə işəgötürənlərlə iş axtaranları bir araya gətirmir, həm də bu istiqamətdə inkişaf tendensiyasını müəyyən etmək üçün datanın əldə edilməsinə imkan verir.
Hasil Abbasov onu da əlavə edib ki, bu il 144 əmək yarmarkası keçirilib və bu yarmarkalarda 2 min işəgötürən iştirak edib. Bu il, həmçinin işğaldan azad edilmiş ərazilərdə 6 əmək yarmarkası keçirilib. Bu tədbirlər əmək bazarında tələb və təklifi görüşdürən platformadır.
Bölmənin digər xəbərləri
