ORDU GENERALI İLKƏR BAŞBUĞ TÜRKİYƏ ORDUSUNUN BAŞ QƏRARGAH RƏİSİ TƏYİN OLUNMUŞDUR
AZƏRTAC-ın xüsusi müxbiri xəbər verir ki, Türkiyədə Baş nazir Rəcəb Tayyib Ədoğanın da iştirakı ilə keçirilən Yüksək Hərbi Şuranın iclasında yaş həddinə görə təqaüdə gedən Türkiyə Silahlı Qüvvələrinin baş qərargah rəisi, ordu generalı Yaşar Böyükanıtın yerinə Piyada Qoşunları komandanı, ordu generalı İlkər Başbuğ təyin edilmişdir.
Digər təyinatlara görə, Piyada Qoşunları komandanı vəzifəsinə Jandarm Qüvvələri komandanı İşık Koşaner, onun yerinə isə ordu generalı Atilla İşık gətirilmişdir. Baş Qərargah rəisinin yeni müavini təyin olunan ordu generalı Həsən İğsız yeni vəzifəsində PKK terror təşkilatı ilə mübarizədə Avropa İttifaqı ilə əlaqələndirmə funksiyasını yerinə yetirəcəkdir. Türkiyənin ən tanınmış ordu generallarından olan Ergin Sayqun Birinci Ordu komandanı olmuşdur.
Bölmənin digər xəbərləri
