Ötən gün qeydə alınmış 111 cinayət faktından 11-nin üstü “isti izlər”lə açılıb
Bakı, 22 yanvar, AZƏRTAC
Respublikanın daxili işlər orqanları tərəfindən ötən gün 111 cinayət faktı qeydə alınıb. Onların da 11-nin üstü “isti izlər”lə açılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, əvvəlki dövrlərdən bağlı qalmış 10 cinayətin açılması təmin olunub.
Axtarışda olduğuna görə ümumilikdə 15 nəfər, o cümlədən borclu şəxs qismində axtarılan 6 nəfər saxlanılaraq aidiyyəti üzrə təhvil verilib.
Respublikanın avtomobil yollarında beş yol-nəqliyyat hadisəsi baş verib. Nəticədə dörd nəfər ölüb, doqquz nəfər xəsarət alıb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklə əlaqədar altı, qanunsuz saxlanılan silah-sursatla bağlı bir fakt müəyyənləşdirilib.
Cinayət törətməkdə şübhəli bilinən 18 nəfər saxlanılıb.
Bölmənin digər xəbərləri
