Ötən il Çinin dövlət büdcəsinin gəlirləri 21 trilyon yuanı keçib
Bakı, 1 fevral, AZƏRTAC
2023-cü ildə Çinin dövlət büdcəsinin gəlirləri illik müqayisədə 6,4 faiz artaraq 21 trilyon yuanı (təxminən 2,96 trilyon ABŞ dolları) keçib.
AZƏRTAC Sinxua agentliyinə istinadla xəbər verir ki, ötən il ÇXR-in dövlət büdcəsinin xərcləri də illik müqayisədə 5,4 faiz artaraq 27,46 trilyon yuana çatıb.
Çinin maliyyə nazirinin müavini Vanq Donqvei 2024-cü ildə makro tənzimləmə siyasəti və ölkənin yüksək keyfiyyətli inkişafı sayəsində maliyyə gəlirlərində artımın davam edəcəyini bildirib. Onun sözlərinə görə, bu il maliyyə xərcləri miqyasını qoruyacaq, eyni zamanda transfer ödənişinin məbləği də lazımi səviyyədə saxlanılacaq.
Bölmənin digər xəbərləri
