Ötən il qlobal təbii qaz tələbatında tarixdə ən böyük azalma qeydə alınıb
Bakı, 27 yanvar, AZƏRTAC
Keçən il dünyada təbii qaza olan tələbatda tarixdə ən böyük azalma qeydə alınıb.
AZƏRTAC xəbər verir ki, bu barədə Beynəlxalq Enerji Agentliyi (IEA) məlumat yayıb.
IEA-ya görə, qlobal təbii qaz tələbatı 2020-ci ildə əvvəlki ilə nisbətən 100 milyard kubmetr (2,5 faiz) azalaraq 3,91 trilyon kubmetrə enib. Bu, qaz tələbatında tarixdə rekord razalma kimi qiymətləndirilir. Yeni növ koronavirus epidemiyasının yayılmasının qarşısını almaq üçün görülən tədbirlər və mülayim iqlim şəraiti qaza olan tələbatın azalmasına təsir edib. Ötən ilin birinci yarısında qlobal təbii qaz tələbatında daha böyük azalma yaşasa da, epidemiyanın yayılmasına qarşı görülən tədbirlər genişləndikcə tələbat ilin üçüncü rübündən etibarən nisbətən bərpa olunub. Ehtiyat mayeləşdirilmiş təbii qaz (LNG) ticarəti, eləcə də regional qaz mərkəzlərində ticarətin artması qlobal qaz bazarının dərinliyini artırıb.
Bölmənin digər xəbərləri
