OTÜSTÜ XOKKEY ÜZRƏ ÖLKƏ ÇEMPİONATI BAŞLANMIŞDIR
Azərbaycan Otüstü Xokkey Federasiyasının mətbuat xidmətindən AZƏRTAC-a bildirmişlər ki, kişilər arasında ölkə çempionatı başlanmışdır. Bakı Otüstü Xokkey Kompleksində keçirilən yarışlarda 10-dan çox klub 2 yarımqrupda mübarizə aparır. İlkin mərhələdə klublar birdövrəli sistem üzrə yarışacaqlar. Daha sonra hər yarımqrupun iki ən güclü komandası 1-4-cü yerlər uğrunda qüvvələrini sınayacaqlar.
Yarışın ilk turunda Bakının “Akkord” komandası Qusarın “Şahdağ” klubunu 5:0, “Atasport” (Bakı) isə “Göytəpə”ni (Cəlilabad) 7:3 hesabı ilə məğlub etmişdir. “Kür”lə (Mingəcevir) “Gəncə” komandaları araslnda görüş 6:4, “Gənclik”lə (Sumqayıt) “Təhsil”in (Bakı) qarşılaşması isə 2:3 hesabı ilə başa çatmışdır. “Xəzər”-“Astara” oyunu 2:2, “Olimp”lə (Masallı) “Şəki” klublarının görüşü isə 0:0 hesabı ilə nəticələnmişdir.
Bölmənin digər xəbərləri
