Özbəkistanda 109 ölkənin vətəndaşı əmlak aldıqda, yaşamaq hüququ veriləcək
Daşkənd, 7 yanvar, AZƏRTAC
Bundan sonra 109 ölkənin vətəndaşı Özbəkistanda əmlak aldıqda, avtomatik olaraq o şəxsə və ailəsinə ölkədə yaşamaq hüququ veriləcək.
AZƏRTAC xəbər verir ki, bununla bağlı fərmanı Özbəkistan Prezidenti Şavkat Mirziyoyev imzalayıb.
Mətbuatda bu ölkələrin siyahısı da çap olunub və burada Azərbaycanın da adı var.
Fərmanda əmlak almağın şərtləri də verilib.
Daşkənd şəhəri və vilayətində 400, Səmərqənd, Buxara, Namanqan, Əndican və Xarəzm vilayətlərində 200, Qaraqalpaq Respublikası və digər vilayətlərdə isə 100 min dollarlıq əmlak aldıqda, fərman o şəxslərə şamil edilir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
