ÖZBƏKİSTANDA ƏMİR TEYMURUN 670 İLLİYİNƏ HƏSR OLUNMUŞ MARAFON KEÇİRİLİR

03.04.2006 [19:43]
Çap et
A⁺ A^-

Aprelin 3-də Daşkənddən start götürmüş yüzlərlə marafon yürüşü həvəskarı aprelin 9-da Özbəkistanın Şəhrisabz şəhərinə çatacaqdırlar. Bu yürüş paytaxtı Səmərqənd olmaqla Suriyadan Çinədək uzanan böyük bir imperiya yaratmış Əmir Teymurun 670 illiyi münasibətilə keçirilir.

AZƏRTAC Özbəkistan Mədəniyyət və İdman İşləri Nazirliyinin məlumatına istinadla xəbər verir ki, 1000 kilometr məsafəyə fövqəlmarafonda ölkənin bütün vilayətlərindən 14 komanda iştirak edir. Marafon zamanı arzu edənlər iştirakçılara qoşula və məsafənin müəyyən hissəsini qaça bilərlər.

Marafondan əsas məqsəd sağlam həyat tərzinin təbliğidir. Bundan əlavə, müstəqil Özbəkistanda millətin və dövlətin banisi elan edilmiş Əmir Teymura həsr olunmuş konsertlər və mitinqlər də keçiriləcəkdir. Daşkəndin mərkəzində, əvvəllər Karl Marksın heykəli olmuş yerdə Əmir Teymura abidə ucaldılmışdır.

ÖZBƏKİSTANDA ƏMİR TEYMURUN 670 İLLİYİNƏ HƏSR OLUNMUŞ MARAFON KEÇİRİLİR

MÜƏLLİFLƏ ƏLAQƏ

Bölmənin digər xəbərləri