Pakistanda avtobus qəzası nəticəsində ölənlərin sayı 27 nəfərə çatıb
Bakı, 22 yanvar, AZƏRTAC
Pakistanda yük maşınının avtobusla toqquşması nəticəsində həlak olanların sayı 27 nəfərə çatıb.
AZƏRTAC xəbər verir ki, Geo TV telekanalın xilasetmə xidmətindəki mənbəyə istinadla yaydığı məlumata görə, qəza zamanı yaralanan 4 nəfər Kəraçi xəstəxanasına aparılıb.
Avtobus Kəraçidən Pandcqur şəhərinə gedirdi. Yük maşını yanacaq daşıdığı üçün insidentdən sonra qəza yerində güclü yanğın başlayıb və insanlar yanan avtobusdan çıxa bilməyiblər.
Həlak olanların cəsədləri ekspertizadan sonra yaxınlarına təhvil veriləcək.
Bölmənin digər xəbərləri
