Bakı, 19 oktyabr, AZƏRTAC

Cari ilin doqquz ayında 63,9 min ton pambıq lifi, 7044 ton pambıq ipliyi ixrac edilib.

AZƏRTAC Dövlət Gömrük Komitəsinə istinadla xəbər verir ki, ixrac edilən pambıq lifinin dəyəri 149 milyon ABŞ dolları, pambıq ipliyinin dəyəri isə 28,5 milyon ABŞ dolları olub.

Xatırladaq ki, 2021-ci ilin yanvar-sentyabr aylarında dəyəri 151,5 milyon dollar olmaqla 98,7 min ton pambıq lifi, məbləği 40 milyon dollar olmaqla 13,8 min ton pambıq ipliyi ixrac edilib.