PAN Gİ MUN BMT-NIN VYANADAKI YENİ ŞƏHƏRÇİYİNİ AÇACAQDIR
AZƏRTAC xəbər verir ki, BMT-nin baş katibi Pan Gi Mun və Avstriyanın Avropa və beynəlxalq işləri üzrə naziri Ursula Plassnik aprelin 25-də BMT-nin Vyanadakı yeni şəhərçiyini açmışlar.
Söhbət 1979-cu ildə açıldığı gündən Vyana Beynəlxalq Mərkəzinin inkişafı tarixində ən mühüm hadisədən gedir.
Beynəlxalq Vyana Mərkəzi (“BMT Şəhəri” - Vienna İnternational Centre”) BMT-nın Vyanada bir çox qurumlarının yerləşdiyi binalar kompleksidir.
Kompleks arxitektor Yohan Ştaber tərəfindən layihələşdirilmiş və 1973-1979-cu illərdə tikilmişdir. Beynəlxalq Mərkəz Donauştadtda, Dunay çayının sol sahilində yerləşir. Kompleks, mərkəzində konfrans binası yerləşən “Y” hərfi formasında altı qüllədən ibarətdir. Ümumi sahəsi 230 min kvadratmetrdır, ən hündür qüllə isə 28 mərtəbədən (120 metr) ibarətdir.
Bölmənin digər xəbərləri
