Paris merinin bələdiyyə hesabına gizli şəxsi səfər etdiyi aşkarlandı
Paris, 9 noyabr, AZƏRTAC
Fransada Paris merinin Sakit okeanın cənubuna səfəri ətrafında polemikalar böyüyür. 60 min avroya başa gələn bu səfərdən Paris meri Ann Hidalqo qızı ilə bir neçə həftəlik tətil keçirmək üçün istifadə etdiyi aşkarlanıb.
AZƏRTAC xəbər verir ki, Paris meri X (keçmiş tviter) səhifəsində səfərdə olması ilə bağlı paylaşım etməyib. Ancaq o, səfər zamanı instagram səhifəsində guya Parisdə olduğunu göstərən fotolar paylaşıb. Merin bu gizli səfəri sonradan aşkarlanıb. Keçmiş nazir Rachida Datinin başçılıq etdiyi “Changer Paris” qrupu (Respublikaçılar və mərkəzçilər) bu səfərlə bağlı bələdiyyədən şəffaflıq tələb edib. Səfərin məqsədi və proqramı tələb olunub. Meriya nümayəndələrinin sonradan təqdim etdiyi proqrama əsasən məlum olub ki, Paris meri proqramda nəzərdə tutulan rəsmi tədbirdə olmayıb, heç dəvət də yoxdur. Əslində Ann Hidalqo Paris şəhəri hesabına bu səfər çərçivəsində qızı ilə tətildə olub. “Changer Paris” qrupu bu şəxsi səfərin parislilərin ödəməməli olduğunu bildirir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
