SİYASƏT
PARLAMENT NÜMAYƏNDƏ HEYƏTİNİN ÇXR-Ə SƏFƏRİ
Xəbər verdiyimiz kimi, Milli Məclisin sədri Murtuz Ələsgərovun başçılıq etdiyi parlament nümayəndə heyətinin Çin Xalq Respublikasına rəsmi səfəri davam edir.
Aprelin 17-də Azərbaycan nümayəndə heyəti Sülh naminə Asiya Parlamentlərarası Assosiasiyasının III Baş Assambleyasının ümumi sessiyasında iştirak etmək üçün Pekindən Çontin şəhərinə gəlmişdir. Sessiyada deputatlarımızla yanaşı ölkəmizin Çin Xalq Respublikasındakı səfirliyinin əməkdaşları da iştirak edirdilər.
Aprelin 18-də Assambleyanın ikinci ümumi sessiyasında Milli Məclisin sədri Murtuz Ələsgərov çıxış etdi.
Axşam parlament nümayəndə heyətimizin üzvləri Çontin mədəniyyət sarayında Çin mədəniyyət və incəsənət ustalarının konsertində oldular.
Aprelin 19-da şəhərin böyük “Xalq zalı”nda Sülh naminə Asiya Parlamentlərarası Assosiasiyasının III Baş Assambleyası öz işini başa çatdırdı.
Milli Məclisin sədri Murtuz Ələsgərov ÇXR-ə səfəri zamanı Türkiyə, İraq, Qazaxıstan, Suriya, Neapol, Səudiyyə Ərəbistanı, Rusiya, Tacikistan və başqa dövlətlərin parlament nümayəndə heyətlərinin başçıları ilə görüşlər keçirmişdir.
