Paytaxtda bəzi avtobusların hərəkət istiqaməti müvəqqəti dəyişdiriləcək
Bakı, 7 may, AZƏRTAC
Mayın 8-dən etibarən “28 May” küçəsində aparılan təmir işləri ilə əlaqədar olaraq küçənin Yusif Səfərov və Kövkəb Səfərəliyeva küçələri arasında yerləşən hissəsində nəqliyyat vasitələrinin hərəkəti müvəqqəti məhdudlaşdırılacaq.
Bakı Nəqliyyat Agentliyindən AZƏRTAC-a bildirilib ki, bu səbəbdən 1, 2, 4, 21, 30, 32, 46, 49 və 175 nömrəli müntəzəm marşrutların hərəkət sxemləri dəyişdirilərək alternativ olaraq Üzeyir Hacıbəyov, Kövkəb Səfərəliyeva və Puşkin küçələri ilə təşkil ediləcək.
Bölmənin digər xəbərləri
