PAYTAXTIN NAXÇIVANSKİ KÜÇƏSİNDƏ BAŞ VERMİŞ PARTLAYIŞ ZAMANI ÖLƏN VƏ XƏSARƏT ALAN OLMAMIŞDIR
AZƏRTAC xəbər verir ki, avqustun 4-də saat 15.20 radələrində paytaxtın Naxçıvanski küçəsindəki 45 nömrəli binanın 53-cü mənzilində təbii qazın sızmasından partlayış və yanğın baş vermişdir.
Hadisə zamanı Rəşad İbadova məxsus mənzilə xeyli ziyan dəymişdir. Evdə adam olmadığından ölən və xəsarət alan yoxdur.
Fövqəladə Hallar Nazirliyinin mətbuat xidmətinin rəhbəri Tural Müseyibov bildirmişdir ki, yanğından mühafizə xidmətinin əməkdaşları hadisə barədə məlumat alan kimi dərhal hadisə yerinə gəlmiş və yanğının qarşısını vaxtında alaraq yayılmasına imkan verməmişlər. Hadisə ilə bağlı araşdırmalar aparılır.
Bakı Şəhər Baş İstehsalat Qaz İdarəsinin baş mühəndisi Elçin Quliyev demişdir ki, partlayış barədə məlumat alan kimi əməkdaşlarımız hadisə yerinə gələrək baxış keçirmişlər. Məlum olmuşdur ki, mənzildə bütün qaz vintilləri açıq imiş. Dərhal bütün lazımi tədbirlər görülmüşdür.
Bölmənin digər xəbərləri
