PAYTAXTIN QARADAĞ VƏ QAX RAYONLARINDA BAŞ VERMİŞ QƏZALAR ÖLÜMLƏ NƏTİCƏLƏNMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Qaradağ rayonunun Lökbatan qəsəbəsi ərazisində, Cəlilabad rayon sakinləri Ruslan Quliyevin idarə etdiyi “VAZ-2107” markalı və Zəfər Əliyevə məxsus ”Reno” markalı avtomaşınlar toqquşmuşdur.
Hər iki avtomobilin sürücüləri və sərnişinləri, Cəlilabad rayon sakini Ədalət Hüseynov və Ağdam rayon sakini Cavanşir Bəhlulov hadisə yerində ölmüşlər.
Qax rayonunun Qarağan kəndi ərazisində, Balakən rayon sakini Polad Nurullayev idarə etdiyi “VAZ-21099” markalı avtomaşını aşırmışdır. Nəticədə sərnişin atası Oqtay hadisə yerində ölmüş, özü və qardaşı Rövşən, habelə qohumu Natiq Kazımov isə xəsarətlə xəstəxanaya yerləşdirilmişlər.
Faktlarla bağlı cinayət işi açılmış araşdırmalar aparılır.
Bölmənin digər xəbərləri
