Pekin Olimpiadasında 150 minə yaxın tamaşaçı iştirak edə biləcək
Bakı, 3 fevral, AZƏRTAC
Pekin Olimpiadasında 150 minə yaxın tamaşaçı iştirak edə biləcək.
AZƏRTAC xəbər verir ki, bunu Beynəlxalq Olimpiya Komitəsinin (BOK) sessiyası zamanı “Pekin-2022”nin təşkilat komitəsinin vitse-prezidenti Yan Şuan deyib.
O, bildirib ki, tamaşaçılar arasında Olimpiadanın bütün iştirakçılarının yaşadığı “Qapalı məkan”dan kənarda qalanlar da yer alacaq. Onlar tamaşaçı yerlərinin təxminən yarısına sahib olacaqlar.
Xatırladaq ki, yanvar ayında təşkilat komitəsi çətin epidemioloji vəziyyətlə əlaqədar biletləri açıq satışdan çıxarmaq və onların müəyyən qruplar arasında bölüşdürüləcəyini bildirib.
Azərbaycanın Olimpiya komandası fevralın 4-18-də keçiriləcək yarışda iki idmançı ilə təmsil olunacaq. Hər iki idmançımız fiqurlu konkisürmə növündə mübarizə aparacaq. Vladimir Litvintsev kişilərin, Yekaterina Ryabova qadınların yarışında buz üzərinə çıxacaqlar.
Azərbaycan Olimpiya komandasının bayraqdarı Vladimir Litvintsev fevralın 8-də və 10-da yarışacaq. Yekaterina Ryabovanın yarışı fevralın 15-də və 17-də baş tutacaq.
Bölmənin digər xəbərləri
