Pekin Olimpiadasında fiqurlu konkisürənlərin komanda yarışının qaliblərinin mükafatlandırılması mərasimi keçirilməyəcək
Moskva, 14 fevral, AZƏRTAC
Beynəlxalq Olimpiya Komitəsi (BOK) Olimpiya Oyunlarında fiqurlu konkisürənlərin komanda yarışlarının qaliblərinin mükafatlandırılması mərasimini keçirməyəcək.
AZƏRTAC xəbər verir ki, BOK bu qərarı 15 yaşlı rusiyalı fiqurlu konkisürən Kamila Valiyevanın dopinq testində “Trimetazidin” preparatının aşkar olunması ilə əlaqədar qəbul edib.
Rusiya Antidopinq Agentliyi bir qədər əvvəl K.Valiyevanın Qış Olimpiadasında iştirakına qadağa qoysa da, fevralın 9-da bu qadağanı ləğv edib. K.Valiyeva turnirdə iştirakını davam etdirir. Lakin BOK rusiyalı idmançının fərdi turnirdə də qalib gələcəyi təqdirdə, mükafatlandırma mərasiminin ləğv olunacağını bildirib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
